Elipe bag-ong Board Member sa MisOr

MISMONG si Presidente Rodrigo Duterte maoy nag-appoint kang MOISC general manager President Elipe nga mahimong bag-ong membro sa Sangguniang Panlalawigan hulip sa namatay nga si Board Member Mario Emano.

Nanumpa si Elipe atubangan kang Kapitan JB Casino nga giubanan sa iyang tulo ka mga anak, asawa nga si Cagayan de Oro Councilor Nadya Emano-Elipe ug Governor Yevgeny Vincente Emano ug mismong si Special Assistant to the President (SAP) Christopher Lawrence "Bong" Go.

Gipahigayon ang pagpanumpa sa Misamis Oriental Integrated Sports Center (MOISC) nga gitambongan sa mga local nga opisyal sa Misamis Oriental ug siyudad sa Cagayan de Oro.

Matud ni Governor Emano nga giindorso si Elipe sa partido PaDayon Pilipino ug taod-taod na unta kini apan lamang si Elipe gaduha duha sa pagdawat sa maong posisyon.

Sa iyang bahin ni Elipe gibutyag niini nga niaging semana pa kini niya nadawat nga pahibalo gikan mismo ni SAP Bong Go ug gani gikakurat niya kini nga appointment.

“Gitayming nalang pod nako nga moanhi man siya sa pagbukas sa Malasakit Center dinhi makatestigo siya sa akong pagpanumpa isip bag-ong miyembro sa Sangguniang Panlalawigan,” matud ni Elipe.

Tungod kay pila naman ka bulan ang nahabilin sa iyang paglingkod daw bout lamang niya nga mapadayon ang mga nasugdan ni Mario Emano ug magdepende sab sa SP kon unsa nga komitiba ang iyang huptan.

“Depende pana karon sa atong Sangguniang Panlalawigan kung unsa but I would like to focus more sa atong MisOr Cares sa panglawas ug sa atong paugnat sa kusog kay naa man pod nako karong ang Kuyamis Sports,” matud ni Elipe ug midugang nga magamit sab niya iyang pagka certified public accountant labina karon nga budget season.

“Sa akong pagka CPA timing nga budget season pwede sab nato matabangan atong SP sa atong panudlanan, it’s my passion nga akong mapadayon ang pakigbisog ni kanhi Tito Mario Emano igsuon ko kinabuhi ko akong magampanan iyang panglantaw sa lalawigan isip hulip kaniya sa Sangguniang Panlalawigan,” matud ni Elipe.

Wala pa man kini gisangpit nga magpapili sa umaabot eleksyon apan gisiguro niini nga sa iyang pagsilbi isip bag-ong miyembro sa SP mobiya siya pagka GM sa MOISC.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph