NAKA-FILE na sa ilang Certificate of Candidacy ( COC ) sila si Gobernador Hilario Davide III ug Bise Gobernador Agnes Magpale sa buhatan sa Commission on Election (Comelec)
Si Davide magpapili alang sa pagka bise gobernador samtang si Magpale alang sa pagka gobernador.
Sa maong kalamboan, makigsakbang si Magpale sa mas unang naka-file nga si kanhi gobernador ug karon Kongresista Gwen Garcia.
Sa pagsuwat ning balita, wa pay naka-file sa pagka bise gobernador sa habig ni Garcia nga maoy mosakbang ni Davide.
Ang mga tigpaniid sa pulitika nakalantaw og nindot nga kumbati alang sa posisyon sa pagkagobernador nga maoy gipaabot sa kadaghanan.
Si Davide, sa iyang bahin, nagtuo nga si Kongresista Benhur Salimbangon sa ika-upat nga distrito ang mahimo niyang kaatbang.
Atol sa press conference, namahayag si Magpale sa kasegurohan sa kadaugan dungan sa lami kaayong pahiyom.
Si Gwen dunay perpetual disqualification nga giatubang. Matod pa sa opisyal sa Comelec nga di magpaila sa iyang pangan, at her on risk ang pagdagan ni Garcia pagka gobernador.
Kon di paboran sa Korte Suprema ang apelasyon sa kaso, mahimong way kontra si Magpale alang sa Mayo 13, 2019 nga midterm election.
Hinuon sa pulitika daghang mga panghitabo. Apan alegre ang panag-atbang ni Magpale ug Garcia.
Alegre kay pagkasuspenso ni Gwen ug bise gobernador si Magpale ang gidudahan nga nagpa-padlock sa iyang opisina.
Si Magpale nahimong acting gobernador sa dihang nasuspenso si Gwen. Nahimong acting vice governor si Magpale gikan sa pagka board member pagkamatay ni vice governor Greg Sanchez.
Karon miabot na ang gipaabot nga mag-abot ang duha sa pagka gobernador.
Mao na ba kaha kini ang Destiny ni Magpale aron mahimong Gobernador pinaagi sa pagpili sa katawhan?