“ODONG nga lami, nga makahigugma!”
Pamilyar ba kanimo kining linyada sa kanta? Kinsa ba ang dili ma-LSS (last song syndrome) sa jingle nga gigamit sa Ligo Sardines.
Inubanan pa sa mahigugmaong pagkanta sa brand ambassador niini nga si Tom Rodriguez.
“Wa gyud ko mag-expect nga ingon ana ang effect niya. Kay kung naa koy mall shows ma-shock na lang ko ginaplay siya, then naa pay nagasundog like tong choir sa Cagayan, kanang feeling nga gilok kaayo kay nagasunod gyud sila,” ni Tom atol sa 'Kaon Ta Ligo, Davao' event sa Rekado, Oktubre 11 ning tuig.
Mag-expand
Ang Ligo Sardines nga anaa ilawom sa pagdumala sa A. Tung Chingco Corporation (ATC) ang taud-taud ng anaa sa industriya.
Namugna tuig 1954, karon may bag-ong henerasyon sa mga lider ang naghupot sa pagpadagan sa negusyo, ang magsuong Mikko Tung, nga vice president of Productions; Mark Tung, vice president of Sales ug Macky Tung, Advertising manager.
“We want to continue and expand more here in Mindanao and Visayas, ni Mikko Tung.
Gisulti sab ni Macky, nga karon gina-conceptualize na sab nila ang laing promotional campaign nga makapadasig pa og maayo sa ilang presensiya sa market.
“It’s great time to boost our performance in Mindanao. Rest assured that we will continue to reveal new and exciting plans for our customers in the south,” dugang sa Vice President of Production.
Ligo Recipe
Atol sab sa “Kaon Ta Ligo, Davao” event, gipatilaw ang mga sakop sa media, bloggers ug bisita sa nagkadaiyang resipe nga ginama sa Ligo sardines.
Anaa ang all-time favorite nga Odong with Saradinas, Sardines Skillet with Mozarella Cheese ug Fillet Pompano, diin gihimong sauce ang sardinas.
Suma pa nga gipakita dinhi ang versatility sa ilang produkto nga pwede kini mamugna sa nagkadaiyang putahe nga swak sa panlasa sa mga Pinoy.
Gidugang ni Mikko nga ang kompanya may factory sa Zamboanga ug Metro Manila, sakto lamang nga matubag ang demands sa produkto.
Sa pikas bahin, target nila karon nga maka-penetrate sa internasyunal nga merkado, diin usa sa ilang gilantaw ang pag-export sa South America.