Nagpatay sa 6-anyos nangilog pusil, tipi

DAVAO. Police line gibutang sa gawas sa selda sulod sa Talomo Police Station sa dihang napatay ang suspek sa pagtipi sa 6-anyos nga babaye human giingong nangilog og armas sa pulis kinsa mohimo og Oplan Galugad Martes sa buntag, Oktubre 16, 2018. (Macky Lim)
DAVAO. Police line gibutang sa gawas sa selda sulod sa Talomo Police Station sa dihang napatay ang suspek sa pagtipi sa 6-anyos nga babaye human giingong nangilog og armas sa pulis kinsa mohimo og Oplan Galugad Martes sa buntag, Oktubre 16, 2018. (Macky Lim)

PATAY ang usa ka piniriso sulod sa selda sa Talomo Police Station human matud pa niining gisulayan og ilog ang armas sa pulis nga mihimo og “Oplan Galugad” sulod sa selda sa presinto, alas nuybe sa buntag niadtong Martes, Oktubre 16.

Giila ni Police Chief Inspector Ronald Lao sa Talomo PNP ang namatay nga si Rico Jay Lauron Labao, 27, taga Matina Pangi nga napriso human niini giangkon ang pagpatay sa sais-anyos nga bata niadtong milabay nga Septyembre.

Sumala ni Lao nga samtang anaa sa sulod sa selda ang mga pulis ug nagpahigayon og “galugad” sa mga piniriso ug sa ilang mga gamit, alegasyong buot ilugon ni Labao ang armas sa pulis hinungdan nga napusilan ug namatay.

“Mando sa atong city director ang pagbuhat og Oplan Galugad sa atong mga selda, pero nangilog man siya og armas mao nga napusilan sa atong jailer,” matud pa ni Lao.

Kasong murder ang giatubang sa namatay hinungdan nga napriso siya sa Talomo PNP. (Richy Nalagon)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph