American coach nag-seminar sa Pinoy PWDs

NAGTUO si US volleyball coach Eric Hodgson nga dili imposible alang sa persons with disabalities (PWD) nga Pinoy nga mga magduduwa sa sitting volleyball ang makasalmot sa Paralympics.

“It will take a lot of hard work. If the program will be continuous Paralympics is not far down the road,” asoy ni Hodgson, usa ka CAP Level III instructor, sa Sun.Syar Cebu kagahapon.

Si Hodgson kaabag ang Philippine Accessible Disability Services Inc. (Pads) ug Southwestern University (SWU-Phinma) kasamtangang nagpahigayon og tulo ka mga adlaw nga sitting volleyball seminar ug demo sa Aznar Coliseum.

Ang kalihukan nagsugod kagahapon ug gitambungan kini sa PWDs ug Physical Education teachers.

Nagkanayon si Pads executive officer John Paul Maunes nga usa sa ilang long term nga mga plano mao ang pagporma og sitting volleyball team nga langkuban og PWDs nga mga atleta ug pagpahigayon og mga torneyo ning maong natad sa paugnat sa kusog.

“The tournament may not be perfect as exactly plan but the important thing right there is you start something. Through time you will see the number of teams will increase and soon get 10 teams competing,” pasabot ni Hodgson.

Si Hodgson, kinsa volleyball coach sulod na sa 18 ka mga tuig ug nagtrabaho sa Arizona region sa miaging 13 ka mga tuig, maoy nangulo sa seminar nga gisalmutan og 30 ka mga magduduwa.

Matod ni Maunes nga gawas sa sitting volleyball, plano sab nilang mopahigayon og mga torneyo sa hand cycling, wheel chair basketball ug standup paddle alang sa PWDs. RSC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph