PATAY ang usa ka 18-anyos nga lalake human gidunggab kadaghang higayon sa usa ka menor nga lalake. Ang duha nalambigit sa krimen, puro mga trabahante sa usa ka pabrika sa City of Naga.

Ang biktima nga dunay pito ka mga samad dinunggaban giila nga si Jessie “Tata” Repunte, ulitaw, ug molupyo sa Central Uno, Inayagan sa mao nga siyudad.

Click here for stories and updates on the Sinulog 2010 Festival.

Gitumbok nga maoy nidnggab sa biktima ang usa ka 16-anyos nga lalake molupyo sa Tabunok, Talisay, nagtrabaho sa canteen sa susamang kompanya.

Base sa inisyal nga imbestigasyon sa kapolisan sa Minglanilla, giingong gasige og sinyas og binastos pinaagi sa tudlo ang suspek ngadto sa biktima.

Niadtong alas 8:45 sa miaging gabii uban sa iyang higala nga nailhan sa alyas nga “Gang-Gang”, gihulat sa biktima ang suspek aron klaruhon kon unsa ang hinungdan sa pagsige og sinyas og binastos kaniya.

Nag-abot ang tulo ka mga lalake sa Camp bridge sa Minglanilla.Giingong ang malinawon untang panag- estorya niresulta sa usa ka krimen. (JONA REYES-USJR INTERN)