USA ka tuig karong adlawa dihang mitaliwan ang giisip nga labing senior nga cardinal sa nasod, Cebu Archbishop Emeritus Ricardo Cardinal Vidal.
Isip paghinumdom sa iyang kamatayon, usa ka santos nga misa ang himuon sa Cebu Metropolitan Cathedral karong alas 5 sa hapon diin usab gilubong ang patayng lawas sa anhing cardinal.
Atol usa sa unang tuig anibersaryo sa kamatayon niini usa ka libro sa mga personal encounter ngadto sa cardinal ang pormal karon nga ilusad.
Ang “Ricardo Cardinal Vidal, He Walked the Way of Truth” usa ka ideya nga gipangulohan ni Kong. Raul Del Mar sa Cebu City North District.
Anaa kini tinampo nga mga istorya kabahin sa mga di malimtan nga mga estorya kabahin ni Cardinal Vidal diin abli kini sa tanan.
Ubos sa guidelines sa libro mamahimo nga English, Tagalog, o Bisaya ang isumiter nga contribution nga estorya nga kabahin kang Cardinal o kasinatian kauban ang Cardinal.
Matod ni Del Mar nga di lang seryuso o milagro nga estorya, apan mamahimo kining light lang o kaha kanang kataw-anan. HBL