LIMA ka mga kandidato pagka-mayor ug duha ka bise-mayor sa dakbayan sa Cagayan de Oro ang magtigi karong midterm election, Mayo 2019.
Subling magpapili si Mayor Oscar Moreno sa PDP-Laban, Lourdes Candy Darimbang sa Partido Federal ng Pilipinas, Jose Gabriel La Viña sa Padayon Pilipino ug duha ka mga independente nga sila si Benjamin Contreras ug Felix Borres Jr.
Samtang sa pagka bise mayor mag-atbang ang kasamtangang bise mayor Rainier Joaquin “Kikang” Uy ubos sa partido ni Moreno ug kanhi Mayor Vicente “Dongkoy” Emano.
Mag-atbang usab ang tulo ka mga kongresista sa Distrito 1 nga sila si Rolando 'Klarex' Uy sa PDP-Laban, Caesar Ian Acenas sa Padayon Pilipino ug Gil Banaag sa Partido Federal ng Pilipinas samtang sa Sistrito 2 mao sila Yan Lam Lim sa PDP-Laban ug Rufus Rodriguez sa Centrist Democratic Party of the Philippines.
Adunay mokabat sa 27 ka mga magpapili sa pagka konsehal sa unang distrito sa dakbayan diin tulo niini ang independente ug 21 sa ikaduhang distrito diin tulo niini ang independente.
Nasayran nga natapos niadtong Oktubre 17 ang pagduso sa kandidatora sa mga buot magpapili sa sunod nga eleksiyon.