GIKAKURAT sa katawhan nga katapusan na untang termino ni Misamis Oriental Governor Yevgeny Vincente “Bambi” Emano apan dili na niini kaalyado ang bise gobernador niini nga si Joey Peleaz.
Kini natuldokan human si Pelaez miuban sa partido sa National Unity Party sa pamilya ni Juliette Uy ug miduso sa iyang kandidatura magpapili pagka kongresista sa unang distrito.
“Wala man siya nagsulti sa ako nga interesado siya magpapili pagka kongresista kay nakurat naman lang ko. I was hoping nga siya unta gihapon akong bise gobernador kay akong plano unta nga dungan mi sa pagsugod ug dungan sab mi sa paghuman. Pag human na sa akong last term siya unta akong itukmod pagka-gobernador pero siguro mas gustohon niya ang pagka kongresista,” Kini ang reaksyon ni Bambi sa pagbiya ni Peleaz kaniya.
Dugang ni Bambi nga wala siyay madumdoman nga gikasilo ni Peleaz kaniya.
“I wish him all the luck, kada usa man sa amo naay katungod nga mouban moduyog sa laraw sa pulitika. Nakita niya siguro nga dunay oportunidad nga last term na ni Congressman Peter Unabia. Unya naay oportunidad posible nga iyang damgo pod alang sa katawhan sa Misamis Oriental iyang mapatuman,” pahayag ni Bambi.
Samtang sa iyang bahin ni Pelaez iyang gipasabot nganong mibiya sa partido ni Bambi kini tungod kay dili na siya buot pa nga magpapili pagka bise gobernador ug iyang tinguha nga mag kongresista sa unang distrto butang nga wala gitanyag sa partido PaDayon Pilipino kaniya.
“That was not offered, I did not want to become a vice governor anymore, I really wanted to run for congress coz I feel I can ve very effective in congress,” pasabot ni Pelaez ug mipasabot nga nabintahaan og maayo sa proyekto ang unang distrito sa Misamis Oriental.
“First district is really underserved and needs a lot of help and I will perform as congressman. I think I can bring projects, I can file bills, laws, health, national importance, my favorite sector the school and school children, plus I think I will be able to have more, more infrastructure, livelihood, projects for environment, youth development and programs for senior citizen, I know I can be very active,” dugang pahayag ni Pelaez ug mipasabot nga isip bise gobernador dili kini niya mahimo tungod kay igo lamang siya moaprobar sa mga proyekto sa gobernador.
“As Vice governor I can only do so much because I don’t have funds to implement the projects I want to implement. The priority is always in the governor’s office and SP approves the project of the Governor,” pasabot niini.