“KAGAY-ANON really loves... not just to drink but socialize.” Kini ang pahayag ni Ardex Mijares ang usa sa stakeholders sa Roadtrip Music Lounge and Restobar nga nahimutang sa Tomasaco 16th, Nazareth ning siyudad sa Cagayan de Oro.
Gibuksan ang restobar niadtong adlawng Biyernes Oktubre 12, 2018 diin gidagsa sa daghang mga kagayanon aron sa paglingaw-lingaw.
Sa interbyu ngadto kang Mijares gibutyag niini nga moabot ngadto sa 12 sila ka mga stakeholders niini nga pulos mga miyembro sa React Pineapple Group ug labihan ka soud nga mga higala.
Daw usa lamang kini nila nga lingaw lingaw nga tukoron nga patigayon tungod kay sa sobra nila ka soud nga maghigala bout sab nila nga adunay masuroyan ug matapok-tapokan kung aduna mga meetings ingon man conference nga pagahimoun.
Ang roadtrip kanhi sports bar nga mas gipanindot sa pagbukas niini og usab karong panahona.
“What we are planning to do naa pirme ang entertainment dili lang siguro full band, pwede pod acoustic lang.” dugang ni Mijares.
Gawas sa mga drinks nga gitanyag sa restobar duna sab pagkaon nga mahimong maorder.
Sa buntag mobukas ang carwash sa atubangan niini sa alas 6:00 sa buntag dungan sa pagserve sab nila og mga ‘silog-silog’ breakfast.
Pag-abot sa alas 10:00 ngadto sa alas 2:00 sa hapon magserve sab dayon sila og Eat all you can nga swak kaayo sa panlasang Kagayanon.
Gikan sa alas 2:00 sa hapon paingon sa alas 6:00 sa gabii isirado usa nila kini aron pagpreparar sa matag gabii nga entertainment.
Gisiguro sab nila nga barato ang ilang mga pagkaon lakip drinks.
“Among gisiguro nga comparable to others ang presyo or else walay mosulod sa imoha kung pwede gani lesser, kon P65 ang drinks sa uban atoa P55 lang ato nang suwayan. Kung barato, mas daghan mosulod.” Dugang niini.
Tungod usab kay luag ang space mahimo sab gamiton nga mga function rooms sama sa magbirthday, meetings ug uban pa.
Aron sab updated sa ilang mga pa promo matag karon ug unsay bisitahi ang ilang opisyal nga facebook page nga Official: Roadtrip.
Kagayanons and Misamisnons! Kabalo namo asa inyong next trip? Sulayi kay siguradong achieved imong biyahe!