Pacquiao-Brioner fight sa Enero 12

GIBUTYAG ni Manny Pacquiao nga si Adrien “The Problem” Brioner mao gyud ang iyang makontra sa Enero 12, sunod tuig.

Bisan tuod og wala pa mahingpit ang kasabutan, apan 90 porsiyento siya nga nakasiguro nga mahinayon gyud kining awaya, ug target niya nga adto sa Amerika kini ipahigayon.

Ang fighting senator kinsa milangkat sa WBA welterweight title niadtong Hulyo 15, ning tuiga pinaagi sa pag-knockout ni Lucas Matthysse sa ikapito ka round, nagtinguha unta og rematch ni Mayweather sa sunod niyang away.

Apan dugang niya nga gusto ni Mayweather nga lain una ang iyang kontrahon sa paghibalik niya og away sa hinapos ning tuiga, sa dili pa siya makig-rematch sa kanhi eight-time division champion.

Human sa away ni Broner, nagkanayon si Pacquiao, nga hikayon gilayon ang ilang rematch nga posibling ari na sa Abril o Mayo ipahigayon.

Kini gipahibawo ni Pacquiao atol sa press conference, diin siya gipaila isip bag-ong ambassador sa International Sports Promotion Society (ISPS) Handa.

Ang ISPS midonar og $100,000 ngadto sa Emannuel and Jinkee’s Foundation nga iya sa giilang Pambansang Kamao. JBM

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph