NAGKADAIYANG kalihukan ang giandam nga mihatag og lingaw, appreciation sa kultura sa lumad sa pagpahigayon sa tinuig nga Kaimunan Festival sa Tagum City.
Karon nga tuig, anaa na sa ika-16 nga edisyon ang Kaimunan Festival, nga natapos, Oktubre 3, uban ang symbolic opening sa unang Inter-Barangay Indigenous People (IP) Games, nga gihimo sa Energy Park, Tagum City.
Ang selebrasyon nag-feature sab sa Panagtigi nang Katigaman sang Pag-indo (Pag-indo Quiz Bowl), Oktubre 5 diin mga IP representatives gikan sa lain-laing barangay sa Tagum nagtigum sa City Mall aron magtigi sa kultura, tradisyon, dayalekto, ug uban pang gikahiligan sa mga lumad.
Ang Barangay Mankilam maoy nanguna ug gipildi ang ubang barangay sa quiz bowl.
Ubang aktibidad sa festival gilangkuban sa Pag-atag ng Dalipanug (Bloodletting) nga gihimo sa City Hall Atrium, Oktubre 9, ug Information Education Campaign sa Indigenous Peoples’ Rights Act nga gisalmutan sa Sangguniang Kabataan officials sa City Hall AVR, Oktubre 8.
Ang Kaimunan Festival 2018 natapos sa Kaimunan Grand Celebration nga Pagkaimun, Oktubre 10, nga nahimong dalan sa Thanksgiving Ritual and Blessing sa Indigenous Political Structure (IPS) ug Indigenous Knowledge, System and Practices (IKSP) sa tulo ka major tribes sa Tagum ang Mandaya, Mansaka ug Kagan tribes.
Gihimo sab ang “unveiling and launching” sa IPS ug IKSP Document paghuman.
Sa pikas bahin, saulugon na sab ang Pakaradjan Festival alang Muslim Tagumenyos sa Oktubre 29-31, 2018. (Drex Rafols/CIO Tagum)