DAW nahugno ang kalibutan sa usa ka bana dihang iyang nasakpan sa akto nga nakig-sex ang iyang asawa sa laing lalaki sa usa ka lodging inn, Martes sa hapon, Oktubre 16, sa dakbayan sa Davao.
Gilayong midangop ngadto sa kapulisan sa Sasa Police Station ang bana nga si Roldan (bansagon gitago), 49, ug molupyo sa Barangay 5-A, Bankerohan aron ipadakop ang iyang maluibon nga asawa nga si Myrna, 46, ug ang kauban niini nga lalaki nga si Roger (bansagon gitago), 55, minyo, usa ka construction consultant, ug nagpuyo sa Barangay 19-B, Poblacion.
Giingon nga daan nang nasayod ang bana nga dunay laing lalaki ang iyang asawa, hinungdan nga iya kining giukoy niadtong Martes.
Sa dihang iyang gisundan niadtong adlawa, dako ang iyang kakurat dihang misulod ang iyang asawa sa lodging inn ug migunit pa sa lalaki nga daan nang naghulat duol sa entrance.
Way duha-duha ang bana nga midangop ug nagpatabang sa kapulisan sa Sasa PNP ug gilayong miresponde ang Mobile Patrol 01.
Mismong ang bana ang mituktok sa kuwarto sa lodging inn ug nasakpan pa sa pag-abli nga hubo sa sapot ang lalaki.
Gilayong giimbitahan sa presinto sa kapulisan sa Sasa ang duha kinsa temporaryong gikustodiya.
Samtang nasayran gikan sa asawa nga nahimo niya ang pagluib gumikan kay nagamyan siya sa kinatawo sa iyang bana.
Giandam na sa Sasa PNP ang kasong adultery batok sa duha sa korte.