Emergency employment sa Naga victims

PINAAGI sa pag-repack sa relief goods, mahimong makakwarta ang biktima sa landslide sa dakbayan sa Naga ubos sa Emergency Employment Program (EEP) sa Department of Labor and Employment (DOLE) 7.

Matod ni DOLE 7 regional director Atty. Johnson Cañete nga inubanan sa Public Employment Service Office sa City of Naga, aduna sila’y nakuha nga 375 ka mga trabahante nga apektado sa landslide nga kasamtangan nga nagpuyo karon sa evacuation centers.

Ang profiling gikuha sa siyam ka evacuation centers, lakip ang Naga Central Elementary School; Enan Chiong Activity Center; Naalad Elementary School; APO Cemex Covered Court; Naga National High School; Colon Elementary School; Cepoc Elementary School; San Fernando Covered Court; and Langtad Elementary School.

Gikan kini sa Barangay Tinaan ug Naalad.

Dugang ni Cañete nga Oktubre 8 dihang nagsugod kini sila og trabaho diin ang General Service Office sa dakbayan sa Naga pinaagi sa camp managers ang nangulo niining mga trabahante.

Magdawatan og P386 matag adlaw ang nakuha nga trabahante sulod sa usa ka buwan.

Aduna sila’y usa ka rest day diin matag Dominggo sa semana. HBL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph