USA ka netizen ang mipadala og mensahe sa SuperBalita Facebook page, labot sa usa ka Facebook page may ngalang “Baby adoption in Davao” tungod kay daw namaligya og bata.
Sa mensahe sa maong netizen: “Hello kindly investigate po this page. Nagbebenta ng bata,” uban ang pagpadala niya og screenshot sa Facebook page.
Gisubay sa SuperBalita ang Facebook page nga giingong nagaproseso og adoption ug kasamtangang may 52 likers/followers. Ang makakurat lamang tungod daw namaligya lang og RTWs ang post sa maong page.
Pipila sa mga post niya: “4months baby P25k demand un lang daw hini hingi nya .. Davao area lang po,” nga gipost Septyembre 10.
“Mom from Bacolod .. demand is 20k ten days na baby girl.. need lng asap,” nga naka-post sab Septyembre 27 ning tuig.