NAGTINGKAGOL ang usa ka lalaki human nga gikumot niini ang itlog sa usa ka tanod niadtong Huwebes, Oktubre 18, sa Barangay Canito-an, dakbayan sa Cagayan de Oro.
Ang nangumot giila nga si Bernardino (bansagon gitago), 63, ug residente sa Zone 5, Canito-an kinsa kanhi usab nga tanod samtang ang biktima naila nga si Arnel (dili tinuod nga ngalan) ug usa ka tanod sa maong dapit.
Sa nahipos nga impormasiyon, gikabutyag nga mirebenta ang suspek sa dihang gilingatan ang iyang pag-umangkon sa biktima hinungdan nga nipunit kini og bato alang depensa matud sa kaugalingon.
Giingong nakita sa kapulisan ang pagbitbit niini sa bato hinungdan nga gipalabay kini apan kalit lang matud pa kining gidasmagan sa biktima ug gituok.
Giingong iya lang gikumot ang itlog sa biktima isip depensa sa iyang kaugalingon.
Sa pagkakaron, kasamtangang anaa sa bilanggoan sa kapolisan si Bernadino.