Lalaki nadakpan human nahulog gikan sa atop

CAGAYAN DE ORO. Si Police Chief Inspector Julius Clark Prisco Macariola IV, hepe sa Police Station 1 (PS1) Divisoria, niingon nga misulay pa og sibat ang suspek apan nahulog kini hinungdan nga nagkasamad-samad ug swerteng nasikop ra gihapon sa mga otoridad. (Kris Sialana)
CAGAYAN DE ORO. Si Police Chief Inspector Julius Clark Prisco Macariola IV, hepe sa Police Station 1 (PS1) Divisoria, niingon nga misulay pa og sibat ang suspek apan nahulog kini hinungdan nga nagkasamad-samad ug swerteng nasikop ra gihapon sa mga otoridad. (Kris Sialana)

MISULAY og sibat ang usa sa tulo ka mga suspek sa drug bust sa kapulisan apan nahulog kini sa atop nga miresulta sa iyang pagkasikop niadtong Oktubre 18, alas 5:15 sa hapon sa Barangay 28, dakbayan sa Cagayan de Oro.

Naila ang suspek nga si Anderson Banac, 30, ulitawo nga residente sa maong dapit, giingong kanhi napriso sa kasong robbery with intimidation.

Samtang ang laing mga kauban naila usab nga sila si Rudy Rapal Seno, 42, ulitawo ug Jestony Daloro, 20 ulitawo nga pulos taga Barangay 24 ning dakbayan ug pulos usab mga dispatser ug anaa matud sa listahan sa ginadili nga druga.

Sa pakighinabi sa SunStar SuperBalita ngadto kang Police Chief Inspector Julius Clark Prisco Macariola IV, hepe sa Police Station 1 (PS1) Divisoria, gibutyag niini nga misulay pa og sibat si Banac apan nahulog kini hinungdan nga nagkasamad-samad ug swerteng nasikop ra gihapon sa mga otoridad.

“Naka aresto kita og tulo ka personahe ang isa ani mi try pa og sibat, misaka kini sa atop sa usa ka balay diin kini nahulog mao nang nagkasamad-samad” saysay ni Macariola.

Atol sa operasyonn nakuha gikan kang Banac ang laing duha ka pakete sa shabu ug laing mga drug paraphernalia. Nakuha sab gikan sa posesiyon ni Seno ang P2 mil nga drug bust money.

Gihan-ay na ang kaso nga ipasaka sa mga suspetsado ubos sa Republic Act 9165 kon Comprehensive Dangerous Drugs Act ilabi na sa pagpamaligya og illegal nga druga samtang atubangon usab ni Banac ang kasong possession of illegal drugs and drug paraphernalia.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph