SA unang higayon, makita na nato sa big screen ang tandem nilang Maja Salvador ug Zanjoe Marudo.
Usa ka pelikula nga puno sa romance, comedy, drama ug may pa-sexy pa. Dream come true nilang Maja ug Zanjoe ang pelikulang “To Love Some Buddy” sa direksyon ni Jason Paul Laxamana.
Dugay na gi-offer sa duha ang maong proyekto apan pulos sila busy: si Maja sa “Wildflower” samtang si Zanjoe may lain usab nga proyekto. Nagkauban sila niadto sa telebisyon dalaginding pa si Maja.
Si Zanjoe naghandum usab nga sa di pa siya mag-40 iyang makapareha si Maja.
Karon kay nagkatakdo na ang ilang skedyul nahuman na gyud nila ang pelikula ug isalida na kini karong semanaha.
Sa “To Love Some Buddy” siguradong daghan ang maka-relate kay istorya kini sa suod nga managhigala nga nahimong manag-uyab. Kon asa dad-on ang ilang relasyon mao kana ang atong nuntan, ay’g saba!
Tsugi na si Xian Lim sa pelikula ni Nadine Lustre nga “Ulan” sa Viva films ug nga si Carlo Aquino na ang gipuli.
Morag in demand kaayo ang Carlo human mikita og maayo ang iyang pelikula kapartner si Angelica Panganiban.
Sa mga wala pa kakita sa “Cargel” padayong gihugopan ug gisalida sa ilang ika-upat na ka semana karon ang “Exes Baggage”, ay’g saba!
Karon nga opisyal na nga Kapamilya ang Asia’s Songbird, daghan na ang nag-atang niya sa ASAP. Daghan usab ang naghandom nga makita nila ang singer-actress sa “MMK” o “Maala-ala Mo Kaya.” Andam na ba sab kaha ang Regine kon may pelikula kini sa Star Cinema ug mo-guest ba sad kaha siya sa FPJ’S Ang Probinsyano? Ato nang atangan, ay’g saba!