NAGTINGUHA si Mexican boxing superstar Canelo Alvarez (50-1-2, 34 KOs) nga makig-away og balik sa bugtong nakapilde kaniya nga si American Floyd Mayweather (50-0, 27 KOs).
Mao kini ang gipabuhagay ni Canelo human siya mipirma og lima ka mga tuig nga kontrata sa DAZN nga nagbalor og $365 million ning bag-uhay lang.
Sa premiro nilang away niadtong 2013, napilde si Alvarez pinaagi sa majority desisyon.
Hinuon ning puntoha, kinahanglang tutokan una ni Alvarez ang sunod niyang tahas diin mosaka siya’g timbang aron suwayan og ilog ang korona ni WBA super middleweight champion Rocket Fielding karong Disyembre 15. ESL