Nadela: Kalampusan taliwala sa kalisdanan

SA niaging semana nipaso ang daghang tinun-an nga nigradwar sa nagkadaiyang kurso subay sa Commission on Higher Education CHEd).

Di malitok sa pulong ng kalipay nga gibati sa mga graduates nga mapasigarbohong nipakayab sa bandila sa kalamposan. Human sa pipila ka tuig nga pag-antos gitapos nila ang pagkatkat ang habug nga pedistal sa kinaadman. Karon gawasnon na silang moingon nga andam na sila sa laing hagit nga mao ang pagsud sa kalibutan sa pangempliyo.

Hinuon, ang uban nagplano nga mopadayon sa pagtungha pagpalig-on pa sa kurso nga bag-ohay pa nilang gitapos. Dunay mag-doctorate, may mag-master o mokuha og laing kurso sigun sa nalatid sa ilang mga plano. Samtang nga atong gipahalipayan sila di mahimong kalimtan ang pagpasidungog sa ilang mga ginikanan, kansang mga sakrapisyo nahimong dayontaytayan sa pagkab-ot og taas nga kina- adman. Mabuhi ang mga ginikanan sa graduates.

Sayod tang tanan nga ning panahon nga padayong nagsaka ang presyo sa palaliton di sayon ang pagpatungha og anak sa kolehiyo. Ang nasiri siri pagpangita og kautangan. Ang pait ra ba kay mabalibaran bisan kong ang giutangan di na gyud untay ikapautang. Nakasinati ba mo og ingon niini nga sitwasyon? Kita nga mangutang nagtuo nga may kuwarta ang atong duolon, apan mobalibad tungod sa nagkadaiyang rason.

Ang maong kuwarta para unta sa examination sa anak nga nagtungha. Duna sab hinuoy sitwasyon nga may mga tawo nga di na maghulat nga utangan. Sila na mismo ang motanyag nga magpautang. Gali g lang ang uban kanila nagoahimulos sab og patong og tag-as nga interes. Mao ni giingon sa usa ka higala kaniadto nga nahuman man tuod siya sa pagtungha apan nagapos sa utang ang iyang ginikanan.

***

Hisgut ta og pag-antos akong i-asoy karon ang sakrapisyo sa ginikanan og sa ilang tinun-an nga maisip nato nga yawe sa nakab-ot nga kalamposan. Ang taxi driver nga si Arnulfo Gador inabagan sa iyang asawa nga si Decenera nga naninda og saging sa Carbon Market. Tua ni sila magpuyo sa Jubay sa lungsod sa Liloan. Ilang gipatungha ang ilang anak sa kolihiyo. Tungod sa ka dako sa galastuhan nisud ang ilang anak nga si Crismarie pagka working scholar sa University of San Carlos diin siya nagepa-enroll sa kurso nga Bachelor of Science in Business Administration major in Financial Management. Si Crismarie gidistino sa USC-South Campus. Nalibre siya sa bayranan sa eskwelahan. Ang balon, pamilete og ubang galastuhan maoy gipas-an sa taxi driver nga papa ug tinderag saging niya nga mama.

Matod ni Crismarie hilabihan kapait sa iyang kahimtang. Gikan sa USC-South Campus modagan siya sa USC Main aron motambong sa klase. Pun-an sa kalayo sa ilang balay gikan sa siyudad. May mga higayong makahilak siya apan wa kawad-i sa pagsalig sa kaugalingon nga matuman ang pangandoy sa iyang ginikanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph