DUNAY magtiayon nga nanimba. Pagwali sa pari, ang bana nagpiyong na sa mata ug nagyangoyango. Niingon ang pari ngadto sa asawa, “Misis, pukawa sab nang imong bana.” Tubag sa asawa, “Ikaw lay pukaw dre. Ikaw may nagpakatug ana.”
Usa ka tawo nakig-estorya sa Ginoo, “Lord, unsa man kadugay ang usa ka milyon ka tuig?” Tubag sa Ginoo, “Sama da sa usa ka minuto.” “Unsa man ka dako ang usa ka milyon ka pesos?” “Sama da sa singko sentabos.” “Lord, tagai kog singko sentabos bi.” “Huwat og usa ka minuto.”
Usa ka tawo nikompisal, “Dre, 75-anyos na ko. Wa gyud ko magluib sa akong asawa sud sa 50 ka tuig. Pero kagahapon, nakighilawas kog 18-anyos.” Nangutana ang pari, “Kanus-a ka katapusang nikompisal?” Tubag sa tawo, “Wa pa gyud kay di man ko Katoliko.” “Unya nganong giestoryahan man ko nimo ani?” “Ganahan lang ko moestorya. Morag ikadose na man gani tingali ka.”
***
Bitaw, ang atong hisgutan mao ang sinuwat sa labing ilado ug labing bright nga theoritical physicist nga si Stephen Hawking. So Hawking namatay niadtong Marso 14, 2018 sa pangedaron nga 76, apan adunay ktapusang libro nga gipublikar niadtong Martes nga giulohan og “Brief Answers to the Big Questions.”
Ang labing kontrobersiyal sa iyang gisuwat mao ang iyang pag-ingon nga way Ginoo. Matod pa niya, “There is no God. No one directs the universe.” Way Ginoo ug way nagdirihir sa kinatibuk-an, matod pa ni Hawking. Di kini katingad-an kay si Hawking usa man ka athiest, usa ka tawo nga di motuo nga dunay Ginoo.
Sa iyang pamahayag sa pamantalaan nga El Mundo, niingon siya, “Before we understand science, it is natural to believe that God created the universe. But now science offers a more convincing explanation. What I meant by ‘we would know the mind of God’ is, we would know everything that God would know, if there were a God, which there isn’t. I’m an atheist.”
***
Ang iyang pamahayag gibasi sa punto de vista sa usa ka scientist kon giunsa pagmugna ang universe, kon mahimo ba ang universe bisan way nagmugna aron ang wala mahimong aduna.