GIBALHIN og laing dapit ang International Boxing Federation (IBF) World title fight tali ni Randy Petalcorin ug sa Nicaraguan fighter nga si Felix Alvarado nga ipahigayon karong Oktubre 29.
Gilkan sa Solaire and Casino Resort Hotel, ang maong away adto na ipahigayon sa Midas Hotel and Casino sa Roxas Boulevard ug ning higayona, libre na alang sa publiko.
Ang away nga ubos sa promotion sa MP Promotions, Sanman Boxing nga giabagan usab sa ESPN5 ug sa Peter Maniatis Events, sugdan sa alas 3 sa hapon.
Si Alvarado, 29, kinsa adunay record 33-2, 29 niini iyang gipang-knockout, gikatakdang moabot karong adlawa sa Manila.
Samtang si Petalcorin nga may 29-2-1 ug 22 ang gipaundang, moabot sa kaulohan sa Miyerkules. (JBM)