Panagtagbo sa 2 hangin miresulta sa pag-uwan

ANG panagtagbo sa duha ka mga hangin nga ni-develop og thunderstorm ang nakaingon sa pagbunok sa kusog nga uwan sa Metro Cebu sa miaging gabii, sumala sa Philippine Atmospheric, Geophysical and Astronomical Services Administration (Pagasa).

Matod ni Netherlen Saletrero, weather specialist sa Pagasa Mactan, way napormang dautang panahon nga magdala og pag-uwan sa Sugbo.

Apan tungod sa panag-abot sa hanging amihanang-silangan ug amihanang-kasadpan nga nibangga sa yuta ug kabukiran ug na-develop sa pagka thunderstorm, ang niresulta sa kusog nga uwan nga maoy nakaingon sa pagbaha sa pipila ka bahin sa Metro Cebu niadtong Sabado sa gabii. Sukad niadtong Sabado sa hapon hangtod sa kaadlawon sa Dominggo nga pag-uwan, niabot og 45 millimeters ang sukod sa uwan nga nasinati sa Metro Cebu. (SCG)