USA ka 2-storey apartment diin ang ubos nga bahin niini bodega sa hardware ang nasunog kagahapon sa hapon sa 12 Street Reclamation Area, Barangay Tejero, dakbayan sa Sugbo.
Gibanabana nga P300,000 ang danyos sa sunog sa bodega sa Juasing Hardware.
Nadawat sa kabomberohan ang alarma sa sunog alas 4:18 kagahapon sa hapon diin giisa kini sa 3rd alarm alas 4:28.
Nakontrolar ra hinuon kini alas 4:53.
Base sa pakisusi sa Cebu City Fire Station nga gikan sa machine shop sa ground floor ang sinugdanan sa sunog.
Hinuon, walay gikatahong kinabuhi nga nakalas o angol atol sa insidente. (HBL)