SIYENTO porsyento nga pabor ang tinugyanan sa Philippine National Police (PNP) sa Northern Mindanao sa paglugway sa Martial law ilabina dako matud kini og tabang sa kriminalidad sa rehiyon ug sa dakbayan sa Cagayan de Oro.
Gibutyag ni Police Superintendent Surki Sereñas, tigpamaba sa Police Regional Office (PRO)-Northern Mindanao nga pabor sila sa paglugway sa Martial law sa nasud.
"Kung kita ang pangutan-on sa PNP, 100% gyud ta nga [suportado] e- extend but siyempre giconsider pud nato ang mga business sectors , giconsider pud nato ang tourism naa man gyud siyay implication," pahayag ni Sereñas sa pakighinabi sa SunStar Superbalita.
"Kung kita ang pangutan-on pabor ta sa paglugway sa martial law, hangtod nga kanus-a ganahan ang katawhan," dugang niini.
Dako matud kini nga tabang sa pagkunhod sa kriminalidad ilabi na usab nga nagsing-abot na ang eleksiyon sunod tuig.