Duha ka dalaga mireklamo human gihikapan sa lawas

DUHA ka mga dalaga ang midangop sa kapolisan human nga gikalit og gakos dayon gihikap ang tibuok lawas nga nahitabo sa managlahing dapit dinhi sa siyudad sa Cagayan de Oro.

Midangop ang 17 anyos nga dalagita nga taga Adela Subdivision, Camaman-an ning siyudad ug ang laing 26 anyos nga dalaga nga si Christina (bansagon gitago) nga taga Barangay Nazareth sa Police Station 2 sa Cogon aron i-asoy ilang mga kasinatian.

Sa nahipos nga impormasiyon, gibutyag nga samtang anaa sa Mortola Hayes street si Christina, kalit lamang kini nga giduol sa wala maila nga lalaki ug kalit nga gihikap ang iyang kalawasan hinungdan sa kahadlok niini.

Samtang laing 17 anyos usab ang nahadlok sa dihang gigakos og kalit sa wala maila nga suspek ug gihikap ang lawas niini.

Nahitabo ang maong insidente niadtong Oktubre 19 sa managlahing dapit sa siyudad.

Ang maong duha ka mga insidente ang nakatala na sa buhatan sa kapolisan sa Cogon ug giduso na sa operatiba sa kapolisan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph