NASIGNIT sa mga sakop sa Criminal Investigation and Detection Group (CIDG-ARMM) ug kapulisan ang usa sa tulo ka mga suspek nga positibong gitudlo nga maoy mipatay sa

mag-inahan didto sa probinsiya sa Maguindanao.

Kapulisan nag-ila sa mga biktima nga sila Julieta Catalan, 50 anyos, bulag sa bana, ug ang anak niini nga si Gyeen, 12, ug molupyo sa barangay Dinaig Proper, Datu Odin Sinsuat.

Sa report gikan sa Maguindanao Police Provincial Office, nasuta nga alas 9:40 sa gabii, Pebrero 4, nahitabo ang krimen.

Samtang nalingaw og tan-aw sa pasundayag sa telebisyon ang mga biktima, kalit nga gisulod ang ilang pinuy-anan sa tulo ka wala mailhing suspek.

Wag daghang istorya, gitabangan ang duha ka biktima ug tigbas gamit ang mahait nga sundang.

Wala pa matagbaw ang mga suspetsado, giabis pa ang liog sa mag-inahan nga daw sama sa usa ka baboy.

Dihang wala nay kinabuhi ang mga biktima, dali sab nga misibat ang mga suspek paingon ngadto sa wala matino nga direksyon.

Buntag na dihang nadiskubrehan ang patay'ng lawas sa mga biktima dihang mibisita ang ilang silingan nga maoy nakakita sa ngilngig nga gidangatan sa mga biktima.

Dali-dali nga milusad og imbestigasyon ang kapulisan.

Subay sa ilang pakisusi, gitudlo sa mga testigo ang usa ka Jun (apelyido), nagtrabaho sa pamilyang Catalan nga maoy mipatay sa mga biktima.

Malampuson nilang nasikop ang suspek, apan pakyas sab ang mga otoridad nga madakpan ang duha pa niini ka mga kauban.

Gipahayag ni Datu Odin Sinsuat Chief of Police Senior Inspector Ronald Patricio nga tulo ka angulo ang ilang gisundan sa ilang gihimong imbestigasyon.

Una, ang personal nga kasuko sa mga suspek ngadto sa mga biktima ug ikaduha ang motibong pagpanulis. (Edgardo Fuerzas)