GILAUMANG moabot sa 100 ang moapil sa Brad MTB Xtreme Duathlon v3.0 nga himoun didto sa Barangay Bayabas Carnagan Gym, Toril ning dakbayan karong Disyembre 9, 2018.
Mamahimo pa moapil sa kantidad nga P900 alang sa early bird ug P1,000 sa regular hangtud Nobyembre 3 lakip na niini ang finishers Shirt (Dri Fit), race bib, post race meal ug finishers medal.
Ang kategoryang ilumba mao ang Men's Open, 29 years old and Below, 30-39 years old, 40 years old and above ug Ladies Open.
Kinahanglan ang mga moapil dunay bitbit nga helmet, hydration Vest, ug tubig atol sa lumba sa kompetisyon.
Magsugod kini alas 5 sa kaadlawon diin ang cut off sulod lamang sa lima ka oras.
Sa mga interesado, mamahimo magpalista sa Koya Jas Print Shop sa atubangan sa St. Peters College of Toril ug Desert Outdoor Shop Upper Piedad Toril.
Alang sa dugang impormasyon mahimo ninyo ikontak pinaagi sa Facebook sila Race Director: Jasper Yong Lim, Alim Mesias Viña ug Technical Director Dante Villaflor Desierto. (Marizz Robilla-Perez)