2 lalaki nabanggaan, kritikal

DUHA ka mga lalaki ang pulos nilanding sa balay tambalanan human nabanggaan ug pulos talandugon ang kahimtang.

Unang biktima mao si Reymon Montogen, 23, taga Cugman ning siyudad.

Nasayran nga ningtabok ang biktima sa dalan apan sa duha duha niini nibalik kini og tabok hinungdan nga maayong pagkasapon sa motorsiklo.

Hit and run ang nahitabo human gibyaan si Montogen nga nakaangkon og samad sa agtang, kamot ug tiil. Nagbuy-od kini sa kalsada.

Ang nakakita na lamang niini ang dali nga nidala sa biktima sa Northern Mindanao Medical Center (NMMC).

Laing biktima sa hit-and run mao si Lito Senatres, 37, minyo, taga Bugo ning siyudad.

Nahitabo ang inisdente niadtong Huwebes mga alas 7:00 sa gabii.

Paingon gihapon nga motabok ang biktima aron mag-atang og masakyan dihang nabanggaan sa usa ka van hinungdan sa paglagpot niini.

Susama sa nahitabo ni Montagen, gibyaan gihapon ang biktima tunga sa kalsada nga nagkadugo ang ulo.

Ang kapolisan sa Police Station 6 (PS6) sa Puerto ang nidala pagdali sa biktima sa Puerto Community Hospital apan giduso sa NMMC tungod sa grabeng naangkon sa biktima.

Kritikal ang kondisyon ni Senatres ning panahona ug padayon pang giatiman sa mga doktor.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph