NAGHIKOG pinaagi sa paglaslas sa iyang pulso ang usa ka ulitawo human gibulagan sa iyang uyab niadtong Huwebes mga alas 2:00 sa hapon sa merkado sa Cogon ning siyudad sa Cagayan de Oro.

Nilanding sa Northern Mindanao Medical Center (NMMC) si Jay Are Peoyo, 18, taga Tambo, Macasandig ning siyudad.

Usa sa higala sa biktima nga nahinabi sa Sun.Star Superbalita nibutyag nga iyang nasayran nga problema niini ang iyang uyab.

Giingong gibulagan ang biktima ug gibati kini og kasakit tungod kay taod-taod na usab ang panag-uyab sa duha.

Niadtong Huwebes giingong gibulagan sa iyang uyab si Peoyo hinungdan nga magsige kini og hanggat og inom.

Nipaingon sa merkado sa Cogon ang biktima ug grabe ang gihimong pag-inom.

Dihang apektado na kalit lang kining mikuha og kutsilyo dayon deretso nga gilaslas ang pulso hinungdan sa pagkasamad niini.

Maayo na lamang usa sab ka higala sa biktima ang nakakita sa gihimo niini hinungdan nga gibadlong dihang usban paglaslas ang pulso.

Gani gitambagan pa nga dili angay hunoson ang kaugalingon tungod lamang sa usa ka babaye.

Niini, nagkadugo ang kamot sa biktima nga daling gidala sa balay tambalanan.

Ning panahona luwas na sa makuyawng kahimtang ang biktima apan padayon pang giobserbahan sa mga doktor. Daw nagbasol kini sa gihimo human nahuwasan gikan sa kahubog.