ANG mga biktima sa landslide sa Barangay Tina-an, Naga City, habagatang lalawigan sa Sugbo niadtong Septiyembre 20 ning tuiga nakadawat og ayuda sa komunikasyon gikan sa Smart.
Ang Smart Communications nagbutang og booth sa gawas sa Enan Chiong Activity Center (ECAC), diin gihimo nga evacuation site.
Gawas sa ECAC, ang Libreng Tawag and Free Charging Stations ang gibutang sa laing duha ka evacuation centers: e Naga Central Elementary School sa Barangay North Poblacion, ug Naalad Elementary School sa Barangay Naalad.
Ang Smart nagbutang dayon og Libreng Tawag and Charging Stations sa evacuation centers aron ang mga bakwit makakontak sa ilang kabanay.
Ang mobile users makakonektar usa sa ilang mahal sa kinabuhi tungod sa free Wi-Fi nga gibutang sa PLDT Fibr.
Daghang food packs amg gipang-apud-apod sa mga boluntaryo ug mga pamilya sa mga biktima pinaagi sa employee volunteers sa Smart, kinsa nagsilbi og init nga pagkaon sa evacuation site sa Cabungahan, Naga City.
Ang Smart nipadala usab og communications ug relief assistance sa apetado nga mga residente atol sa kalamidad.
Ang serbisyo kabahin sa adbokasiya sa kompanya nga #SafePH, diin gitumong sa paggamit sa labing ulahing teknolohiya sapagpakusog sa disaster preparedness ug response. PR