PADAYON si Ruffa Sorongon sa iyang dominasyon sa long-distance running sa Sugbo.
Usa pa lang ka semana ang nakalabay human siya nipatigbabaw sa Milo Marathon Cebu Leg, ang Cebu-based nga lumad nga Sultan Kudarat midaog na sab sa 2018 Gaisano Capital Anniversary Run sa miaging adlaw sa Plaza Independencia.
Ang 28 anyos nga si Sorongon mihuman sa women’s half marathon nga lumba pinaagi sa oras nga 1:38:55 .
Nagsunod kang Sorongon mao sila si Lovely Fe Andrin, kinsa adunay oras nga 1:39:52, ug Eva Mae Villaran, kinsa mitali og 1:46.44.
Sa men’s 21K, naghari si Agustin Ychon pinaagi sa oras nga 1:22.26.
Gipangpilde ni Ychon mao sila si Joseph Arne Emia (1:24.13) ug Desederio “Sano” Engbino (1:32.50).
Ang ubang mga ningdaog mao sila si Benjamine Kidkazie (41:49) sa men’s 12K, Jelma Monsanto (55:02) sa women’s 12K category, Earl Peomila (20:10) sa men’s 6K, Geniecel Saballa (25:37) sa women’s 6K, Ryel Agufe (9:26) sa men’s 3K ug Jennifer Sabillon (15:13) sa women’s 3K. RSC, ESL