DAGKONG ngalan sa politika ug mga buhatan sa kasamtangang gobyerno ang mipatim-aw atol sa Political Officers League of the Philippines (POLPhil) convention sa Davao City, Lunes sa hapon sa SMX convention, SM Lanang Priemer, Davao City.
Ang kaugdahan nadungan sab sa League of the Municipalities in the Philippines diin atol sa tigum dakong mga pangalan sa politika ug panggobyerno ang naa sa programa.
Pinasidunggang dinapit mao si senatorial candidate Christopher Lawrence “Bong” Go nga sa iyang pamahayag, nagpadayag og suporta sa adbokasiya sa POLPhil pinaagi sa pagsuporta sa mga programa niini ilabi na ang pangpropisyonalismo sa hut-ong sa mga political officers sa nasud.
Mitambong sab sa tigum si Department of Labor and Employment Sec. Bebot Bello, nga maoy nga administar sa oath-taking sa mga miyembro sa POLPhil.
Wa sab paulahi sila kanhi assistant secretary Margaux “Mocha” Uson, Senador Jinggoy Estrada, Jolo Revilla nga represente sa iyang amahan nga si kanhi senador Bong Revilla ug si kanhi Philippine National Police director general Ronald “Bato” Dela Rosa.
Dako ang pasalamat ni Undersecretary Cyril Aborde, usa sa mga leader sa grupo sa malampusong pagpahigayon sa tigum sa Davao City nga gitambungan sa mga delegado gikan sa Luzon, Visayas ug Mindanao.
Nahimong posible ang tigum pinaagi sa pagpaningkamot sa grupo nga pinumunoan nila Marma Pineda, Anoi Mandin, Rocky Balili, Engr. Loloy Azer, Rodilyn Osorio, Joel Rabia, Juliet Devries, Nonoy Go ug Richy Nalagon nga maoy nahimong emcee sa programa. (RN)