MANAGSUONG nanan-aw og “Ang Probinsyano” sa TV sulod sa ilang balay gipamusil sa silingan sa Sitio Ilaya, Barangay Can-asojan, dakbayan sa Mandaue niadtong Lunes, pasado alas 8:00 sa gabii.
Human sa pagpamusil sa pamilyang Eramil, ang suspek nga si Sam Sanchez nisibat dayon.
Samtang wa magdahom ang pamilyang Eramil nga istorya ni Cardo Dalisay, ang bidasa ABS-CBN teleserye, ila usab nga masinati dihang sila gisugdan sa pagpusil sa ilang silingan.
Si Supt. Gregorio Galsim, hepe sa Carcar City police station, positibo nga gitudlo sa mga saksi ug sa mga biktima nga si Sanchez maoy nikalit pagsulod sa balay ug dayong pagpamusil.
Nakaangkon og samad pinusilan ang magsuong Lorna Eramil, 45, ug Jennylou, 22 , human sila pamusila ni Sanchez nga ilang silingan.
Sa gihimong imbestigasyon sa kapulisan, nasayran nga nanan-aw sa maong salida sa telebisyon ang magsuon nga Lorna Eramil, Jennylou, Gerry Eramil, Jr ug Raymon.
Sa pagpamusil naigo si Lorna sa tuong tikod ug si Jennylou nakaangkon og samad pinusilan sa tuong tiil sa dihang misuway na unta kini pagdagan pagawas sa ilang balay.
Samtang, ang duha ka managsuon wa na mangaigo kay nakaambak sa bintana, sama og esena sa teleserye.
Ug kagahapon sa buntag, nitahan sa police station si Sanchez apan nihimakak sa pasangil.
“Ni-surrender siya pero wala man siya moangkon nga siya ang namusil pero ang mga biktima ug ang witness nato positive man sila nga si Sam gyud ang namusil nila,” matod ni Galsim.
Dugay na nga nasuko si Sanchez sa mga Castañares sa dihang nahimong target sa search warrant sa Carcar police ang kabanay ni Sanchez.
Matod ni Galsim, ng pamilyang Eramil ang gipasanginlan nga nagtug-an sa mga pulis labot sa ilegal nga kalihukan sa giingong kabanay niini sa Barangay Can-asujan.
Dugang sa mga biktima nga sama sa esena sa ‘Ang Probinsyano’ ang nahitabo kanila ug wala sila magdahom nga mabuhi sa pagpamujsil.
Sumala sa kapulisan, ang suspek ilang ipaubos sa paraffin test aron pagsuta kung kini nakapabuto og armas.
Kasong attempted murder ang giandam sa kapulisan sa sa Carcar nga pasaka sa korte batok sa dinakpan.