GIBALIBARAN sa Makati City Regional Trial Court (RTC) Branch 148 ang mosyon sa Department of Justice (DOJ) nga moluwat kinig usa ka orden de arresto batok Senador Antonio Trillanes IV tungod sa miaging kasong kudeta nga gipasaka batok kaniya.
Gibalibaran usab ang mosyon sa DOJ nga moluwat ang korte og hold departure order (HDO) batok sa senador. Apan sa 33 ka pahina nga hukom nga giluwatan niadtong Lunes, si RTC Judge Andres Soriano midason sa validity sa Proclamation No. 572 ni Presidente Rodrigo Duterte nga nagrebukar sa amnesty ni Trillanes.
Gi-dismiss sa Makati RTC Branch 148 ang kasong kudeta batok ni Trillanes sa 2011 kay gihatagan man siyag amnesty ni kanhi Presidente Benigno S. Aquino III sa iyang kalambigitan sa 2003 Oakwood mutiny.
Matod pa ni Judge Soriano, “Well established is the doctrine that a final and executory judgment shall be immutable. The court, in fact, loses jurisdiction over the case when its decision has become final and executory.” Ang korte way gahum sa pagdisturbo o pagtugaw sa “doctrine of immutability.”
Unsa man kining doctrine of immutability? Nagpasabot kini nga kon ang usa ka desisyon sa korte nahimo nang final, di na kini mahimong usbon pa, bisan pa kon ang pag-usab niini magkorihir sa sayop sa “conclusions of fact and law.”
Ang Korte Suprema, sa kasong National Housing Authority vs. Court of Appeals, et. al. (G.R. No. 173802, April 7, 2014), nag-ingon, “It is well-settled that a decision that has acquired finality becomes immutable and unalterable, and may no longer be modified in any respect, even if the modification is meant to correct erroneous conclusions of fact and law, and whether it be made by the court that rendered it or by the Highest Court of the land.”
Si Justice Secretary Menardo Guevarra niingon nga ang ruling sa Makati RTC 148 di pa mao ang katapusan. Lagmit nga ipasaka pa kini sa mas taas nga hukmanan. Ato kining atangan kay sumala sa desisyon sa Korte Suprema, ang usa ka final decision di na mahimong usbon sa korte nga nagluwat niini ug bisan pa sa “Highest Court of the land.”
Ang duha ka katuyoan sa doctrine of immutability of judgment, matod pa sa Korte Suprema, mao kini: (a) to avoid delay in the administration of justice and thus, procedurally, to make orderly the discharge of judicial business; and (b) to put an end to judicial controversies, at the risk of occasional errors, which is precisely why courts exist.
“Verily, it fosters the judicious perception that the rights and obligations of every litigant must not hang in suspense for an indefinite period of time. As such, it is not regarded as a mere technicality to be easily brushed aside, but rather, a matter of public policy which must be faithfully complied,” matod pa sa Korte Suprema.
- edbarrita@gmail.com