SILA Jay Bulicatin, Kurt John Placencia ug James Catayas maoy mibulsa og titulo sa Damosa Land Inc. Chess Challenge gihimo didto sa Damosa Market Basket sa Lanang, Davao City.
Mitala si Bulicatin og 4.5 puntos sa five-round Swiss System format chessfest nga gi-organisa sa Damosa Land Inc. ug gitugotan sa National Chess Federation of the Philippines.
Nakuha niya ang 21 years old and above division titulo batok nila 3.5-pointers Alfred Moulic ug Gino Angelo Asuncion kinsa ikaduha ug ikatulo sa maong han-ay.
Bahin ni Placencia, ang mihari sa 13-20 years old division nga miiskor og 4.5 puntos kontra sa four-pointers Irish Yngayo ug Ryan Gabriel Rasay.
Samtang si Catayas, mihimo og perpektong lima ka puntos aron masungkit ang 12 years old and below division titulo aron mapildi sila 4.5-pointers Jerome Pullos ug Lienane Faith Salajudin sa torneyo nga gitigian og 80 magduduwa gikan sa mga siyudad sa Cotabato, Kidapawan, General Santos, Panabo ug Tagum. (MRP)