GIHULAGWAY ni Health Secretary Dr. Francisco Duque nga “collateral damage” sa nahitabo sa Dengvaxia ang pagdili sa mga ginikanan sa laing bakuna nga gipanghatag sa Department of Health (DOH).
Gitug-an mismo sa mga opisyal sa DOH kinsa ania sa Sugbo nga daghang mga ginikanan ang nidili niining gipanghatag nila nga measles-mumps-rubella (MMR) ug Oral Polio Vaccine (OPV) tibuok nasod.
Gibutyag ni Health Undersecretary Rolando Enrique Domingo nga nag-unang ubos sa ilahang target nga mabakunahan kining mga dapit nga nahatagan sa anti-dengue vaccine nga dengvaxia diini naglakip kini sa National Capital Region (NCR), regions 3 ug 4A.
Samtang si DOH 7 regional director Jaime Bernadas nibutyag usab nga lakip ang Central Visayas nga adunay ubos nga outcome niining maong mga bakuna nga ilaha rong gipahingusgan pagbalik.
Kahinumduman nga ang isla lang sa Sugbo gawas sa mga rehiyon sa Luzon, ang nahatagan sa dengavaxia.
Dugang ni Domingo nga gisugdan nila pagbalik ang ilang pagpamakuna diin door-to-door na kini. “We’ve had some decreases in out targets for immunization but right now, we really (are) coming out with (a) stronger communication plan where we want to develop a way na ma-explain natin sa lahat ng mga magulang ang impotansya sa pagbabakuna tsaka yung benefit na maibibigay nito sa mga bata,” nagkanayon si Domingo. HBL