Jose Lebumfacil Tomarong
Maharlika, Sambag II, Cebu City
ANG krus sa gugma bug-at pas-anon
Kay timaan sa matuod nga gugma
Ngadto sa Langit ug nganha
Kanimo hinalaran.
Apan pas-anon ko ang krus
Ning gugma ko ug pagtuo sa Ginuo.
Uban kanimo, hinalaran, magaan
Pas-anon ang krus kay ang gugma
Ko kanimo mahayag ug balaanon.
Ang krus sa gugma bug-at pas-anon
Kon ang kahuyang bug-at ug lig-on
Ug mas kusgan kaysa tawhanon
Natong kalig-on ilabi na kon mabugnaw
Na ang gugma natong Langitnon.
Kon ang tawhanong gugma nato
Ilansang sa krus ang atong gugma
Mahiusa sa katahom ug sa katam-is
Sa gugma sa Diyos
Nga walay pagkatapos.