GIPALIG-ON pa karon sa Armadong Kusog sa Pilipinas ug sa kapulisan ang ilang pagtinabangay, aron mapatunhay ang kahusay ug kalinaw sa Eastern Mindanao.
Sumala ni LTC Ezra Balagtey ang tigpamaba sa Eastern Mindanao Command nga pinaagi sa usa ma kasabutan, mas gipalig-on pa sa AFP ug sa PNP ang ilang pagtinabangay.
Sa pagpanguna ni Lt. General Benjamin Madrigal Jr., commander sa EastMinCom ug ni Chief Supt. Daniel Macatlang Jr., ang Directorate for Intelligence and Police Operations sa Eastern Mindanao, ilang gipalig-on ang pakighiusa sa tanan nilang mga aktbidad ug operasyon aron magpabiling malinawon ug dunay siguridad ang Eastern Mindanao.
Gumikan sa maong kasabutan, magtinabangay ug dunay mamahimong koordinasyon ang kasundaluhan ug kapulisan sa ipahigayong focus military operations, law enforcement operations, intelligence operations, countering and preventing violent extermisms, community support program, maritime border security ug civil relations program. (Richy Nalagon)