SUPERBALITA CEBU

Pantalan, water taxi sa M'daue

DAKONG pantalan ug water taxi service ang gipanlantawan nga usa sa masugdan nga kalambuan sa dakbayan sa Mandaue sa sunod tuig.

Kini human nga nisud ang kagamhanan sa dakbayan sa Mandaue og Joint Venture Agreement (JVA) uban sa Gothong Southern.

Sila Mayor Luigi Quisumbing, Bise Mayor Carlo Fortuna ug Bob Gothong, ang chief executive sa Gothong Southern,

Ang JVA paghatag pagtugot sa Gothong maka-expand sa pagpalambo sa ilang property, paggamit na sa 2.9 ektaryang foreshore land nga iya sa kagamhanan sa dakbayan sa Mandaue.

Nahimutang kini diha sa may dan FF Cruz, sa North Reclamation area.

Matud ni Quisumbing nga himuan kini og pantalan, diin usa sa major components niini mao ang pagbiyahe unya sa water taxi service nga napanlantawang dakong makatabang sa problema sa trapiko padung ug gikan sa siyuda sa Lapu-lapu, ilabi na kon magpadung sa tugpahanan sa Mactan.

Gipasabot ni Quisumbing nga sa maong water taxi service o sea bus system, mamahimong makaabot sa tugpahanan sa Mactan 15 ngadto sa 20 minutos sayo kaysa mag-land trip.

Base sa proposal sa Gothong nga ang P691 milyones nga balor sa proyekto, manglangkob na unya sa passenger terminal, commercial building, boardwalk, ug uban pa.

Dugang ni Quisumbing nga kon hingpit kining mahuman, aduna na unyay pantalan ang syudad sa Mandaue, kay ang Mandaue City government na unya ang tag-iya sa port development.

“Another key component is, it will be a port that Mandaue City will truly own, kay Mandaue will be the owner of the port development, which means if things like, if cruise ship industries decide to open up its stop in Cebu, they will have a port, they will be able to use. Which is the major lacks at this time, kay wa pa man suitable for cruise ship or larger vessel,” asoy ni Quisumbing.

Gilantawan usab nga 1,500 ka mga trabaho ang mahimong abli sa mga Sugbuanon, ilabi na sa mga Mandauehanon.

Kon makakuha na og permit sa Philippine Reclamation Authority ang Gothong, hatagan na usab sila sa kagamhanan og notice to proceed sa development sud ning tuiga.

Ang sea bus system gilantawan nga kasugdan sa ulahing bahin sunod tuig, samtang ang tibuok port development ang gibana-bana nga mahuman human sa upat ka tuig. (Fe Marie D. Dumaboc, Correspondent)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph