GIKLARO sa kampo ni kanhi Cagayan de Oro Mayor Vicente ‘Dongkoy’ Emano nga walay kamatouran ang report nga gipaubos kini og surgery tungod sa kumplikasyon sa tiyan.
Si Atty. Leon Gan ang Bise President sa Regional Political Party sa PaDayon Pilipino niingon nga si Emano wala gipaubos og surgery apan usa lamang ka general check up ang natigayon niadtong bulan sa Hunyo ning tuig.
Gani gikalipay sa pamilya nga nagpaubos kini og check up hilabina nga dili gyod kini mosugot kaniadto nga magpahigayon sa pagpacheck.
“It was fortunate for the Emano family that the father of PaDayon Pilipino agreed to undertake medical examinations following fears of his body condition. The former Cagayan de Oro mayor would not want medical check-ups previously.” Matud ni Gan.
Giklaro lamang ni Gan nga naospital si Emano sa pila ka adlaw apan dili tungod sa operasyon.
Human sab sa sunod sunod nga procedures giklaro niini nga maayo ang kondisyon sa kasing kasing niini.
“Emano’s heart condition is now good as new and is cleared from complications after enduring one-day blockade removal of foreign particles in his heart veins. Wala gyud to gi agi ug knife surgery.
“Dugay ra man to. Pero dili kadto operasyon,” pagklaro niini human migawas ang report nga gioperahan kini.
Si Emano nagduso sa iyang sertipiko de kandidatura niadtong Oktubre 17 isip Bise mayor sa siyudad.
Dugang ni Gan nga maayo ang panglawas niini ug daw aduna pay igong kapasidad sa pagserbisyo.