DEAR Tita Heart,
Hello Tita Heart. Magpatambag unta ko. By the way, I'm Maricel, 20, from Balingasag. Naa koy uyab, 27, iyang edad ug two years and four months na mi. Tita Heart, unsa man akong angay buhaton nga makalimot ko ug dili maghugaw akong huna-huna sa akong partner? Ingon ani man gud ang nahitabo tita, namakak ako bf nga nag-uban diay sila sa iyang ex-gf nga nangaligo sa pool. Nahibaw-an nalang ni nako sa akong friend. Masuko pod akong bf nga ako siya pangutan-on bahin niini. Normal man diba nga magselos ko kay uyab gud mi. Kung walay malisya ilang pag-uban, nganong gitago man niya sa akoa tita? Unsa akong buhaton para makarecover ani nga isyu tita? Daghan salamat tita.
Maricel
***
Hello Maricel,
Dayag kaayo nga dili honest imong uyab sa imoha. Wala sab ta kahibalo nga basin dili lang kana ang unang higayon nga nag-uban-uban sila sa bisan asa. Kay ikaw man iyang official nga gf, dapat isog ka nga komprontahon siya kalabot niana ug ipasabot nga dili ka ganahan nga mag-uban siya sa imong ex kay magselos ka. Huna-hunaa aduna na silay lawom daan nga pinagsamahan, wala pod ta kahibalo sa ilang gipangbati diha sa usag-usa. Anaa baya kanang mga tentasyon. Bisan kinsa nga uyab makareact pag-ayo niana. Tungod kay nahitabo naman, nag-uban sila, ayaw na tuguti nga masubli pa. Pero kung imong nakita nga padayon iyang pagtago sa ilang pagkit, nagpasabot nga wala na usab maayong padulngan sa inyong relasyon. Pwede man nimo siya hadlukon nga kung dili niya hunungon, ikaw ang mawala kaniya.
Tita Heart