Kapin 1 ka libo ka mga polis ipakatag

MGA 1,300 ka mga personahe sa Cagayan de Oro City Police Office (Cocpo) ang ipakatag sa mga publiko ug pribadong sementery ning siyudad sa Adlaw sa mga Santos ug kalag-kalag karong Nobyembre 1 ug 2.

Matud ni Police Chief Inspector Mardy Hortillosa, tigpamaba sa Cocpo, nga andam na ang ang gipatuman nga seguridad ug magsugod na ang pagpakatag sa mga kapolisan sugod karong adlawa.

Kini nga gidaghananon wala pay labot ang gi-deploy nga kasundalohan ug mga barangay tanod.

"All set na kita para sa ato security preparation sa kalag-kalag ug ugma sa 5 a.m. magsugod among deployment," tipik sa pahayag ni Hortillosa.

Giingong ang mga daan nga na augment nga mga kapolisan ang magamit aron nga e-destino sa mga nagkadaiyang sam-ang sa siyudad.

Ginadili usab ang pagdala o mga mahait nga mga butang, bawal ang pagpanigarilyo, bawal magsugal lakip ang mga saba nga mga butang ug ilimnong makahubog diha sa pagbisita sa mga sam-ang.

Nagpahimangno si Mayor Oscar Moreno sa katawhan sa siyudad ilabi na sa mga mobiyahe nga mag-amping ug maglikay sa mga inom.

"Ready naman ta. Nag-issue naman ko og mga orders, sa traffic routine, other securities and then sa atong highways," pahayag ni Moreno.

"Ang ato lang hangyo daghan man magbiyahe, likay lang gyud nga kay kung magbiyahe, be careful kay mao na ang delekado sa atong tanan ang vehicular accident, daghan inom so likay lang. I hope nga ang mga menteryo walay mag-sobrang inom kay di man angay," dugang ni Moreno.

Una na nga nagmando usab kini nga ipaniguro ang seguridad sa katawhan, sa mga kabalayan ug ipatunhay ang kalinaw sa maong kalihokan ilabi na sa pagdumdom sa mga minahal sa kinabuhi nga mitaliwala na sa laing kinabuhi lakip na usab ang kaluwasan sa mga molangkob sa pagpangandam niini sama sa kapolisan, task force oro, Oro rescue, CDRRMD ug uban pa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph