DAGHAN ang naintriga sa mga sweet pictures ni Sofia Andres kauban ang usa ka ambungang lalaki sa iyang Instagram niadtong Lunes.
Walay caption ang mga post sa 20-anyos nga Kapamilya actress apan daghan ang nakabantay nga naa sila sa bakasyon.
Giila sa Pep.ph ang lalaki nga mao ang Cebuano race car driver nga si Daniel Miranda nga giingong tig-apilan og mga car racing competition sa Asian countries.
Niadtong October 14, nag-post sa iyang Instagram si Daniel sa litrato nilang Sofia nga dunay caption, “I miss you.” Niadtong October 28, subling nag-post si Daniel sa mga litrato nila ni Sofia nga dunay caption, “Won all 3 races today.”
Niadtong Martes usa ka “heart” emoji ang gihatag sa aktres ngadto sa litrato sa iyang rumored boyfriend. Sila na kaha? (S)