NAG-VIRAL ang mga litrato nga giingong kuha sa bunyag ug birthday sa anak ni Cesar Montano.
Karga ni Cesar ang batang babaye samtang makita si entertainment columnist nga si Dolly Anne Carvajal nga gituohang usa sa mga ninang.
Matod sa Pep.ph nga ang nag-post sa mga litrato sa Facebook mao si Commission on Higher Education (CHED) Commissioner Dr. Ronald Adamat.
Base sa caption ni Dr. Adamat, usa siya sa mga ninong sa bunyag ug first birthday sa anak nga babaye ni Cesar.
Makita sad sa laing post ni Dolly Anne atol sa bunyag ang usa ka babaye nga giingong maoy inahan sa bata.
Ang babaye giila sa PEP.ph nga si Socorro "Kath" Angeles ug duna na kunoy tulo ka anak si Cesar kang Kath ug ang gibunyagan ug nag-birthday maoy ilang kinamanghuran.
Si Cesar duna say tulo ka anak nga babaye sa ex-wife niyang si Sunshine Cruz ug usa kang Teresa Loyzaga nga si Diego Loyzaga.
Ang 56-anyos nga aktor duna pa’y laing duha ka anak sa una niyang asawa nga namatay. Ang usa sa iyang anak namatay na sad. (S)