ANG Honda ang masaligang brand uban ang “advanced” nga teknolohiya sa motorsiklo ug dunay nindot nga customer service.
Ang Honda Philippines, Inc. (HPI) ug ilang dealer networks naningkamot nga manguna sa kalidad sa serbisyo pinaagi sa pagbansay sa mga tawo.
Kini ang ilang pamaagi aron maabot ang gusto sa mga kustomer.
Matag tuig, ang HPI nagapahigayon og kompetisyon alang sa mga 'dealer mechanics' sa tibouk nasud aron mapakita ang ilang kahibalo.
Karong tuiga ang finalists kay sila Alberto Alabar sa Du Ek Sam -- Talisay City; Jun Mar Suplio sa Jied Motohaus -- Mati City; Jared Yanga sa Guanzon Merchandising --Caloocan City; Sherald Anthony Publico sa Desmark Corporation -- Calinan, Davao City; Arnyl Librea sa Desmark Corporation -- Tagum City; Mark John Blas of Desmark Corporation -- Calamba City; Jussel Bargamento sa United Motoliance -- Guihulngan; Henry Balais of Motortrade Topline -- Guimba; Regnes Arenas sa Desmark Corporation -- Tuburan; Jester Monsanto sa Summit Superbikes -- Candelaria; Norman Nueva sa Desmark Corporation -- San Pedro, Davao City; Lou Jaysson Landicho sa Honda Prestige Traders Incorporated.
Human nakigtigi sa National Finals sulod sa tulo ka tuig, nakuha na gyud ni Jun Mar Suplio sa Jied Motohaus, pambato sa Mati ang kampeyonato.
Nadawat niya ang bag-ong CB150R ug mahimong pares sa milabay'ng tuig nga midaug aron mopresenta sa HPI sa Asia Oceania Mechanic Skills Olympics karong Disyembre 2018 sa Indonesia.
Si Mark John Blas sa Desmark Corporation, sa Calamba City ang 1st runner-up samtang si Lou Jaysson Landicho sa Honda Prestige Commonwealth ang 2nd runner-up. (PR)