ANG Philippine Sports Commission (PSC) mobalik sa pagbisita sa isla sa munisipalidad sa Simunul sa Tawi-Tawi alang sa ikaduhang edisyon sa PSC-Women's Street Volleyball adlaw’ng Sabado, Nobyembre 3 hangtud 6.
Kapin 600 kababaihan gikan sa 15 ka barangay ang gilaumang mopartisipar sa kalihukan nga pangulohan ni Women in Sports Oversight Commissioner Celia Kiram ug Simulun Mayor Nazif Ahmad Bayo Abduraman.
“The people of Simunul are very much into sports, especially volleyball. They play it in every street, down to the beach area,” sulti ni Kiram.
“We have excellent players in this region. That is why we are also promoting our grassroots development here and discover future talents that will be soon be part of our national team,” dugang ni Kiram nga iyang ginapasabot ang kadaugan sa Tawi-Tawi Volleyball Team kontra sa National Team sa 2018 Philippine National Games sa Cebu.
Ang upat ka adlaw nga programa kabahin sab sa pagsaulog sa ika-608th anibersaryo sa Islam sa isla sa Simunul.
“Sports equipment are going to be donated to the local government of Simunul,” dugang sa opisyal.
Ang unang edisyon sa Women Street Volleyball napahigayon niadtong Nobyembre sa milabay nga tuig. (PR)