GIPAHIBAWO sa project director ug committee chairman sa Miss Lapu-Lapu 2018 Atty. Ethelbert Ouano ang mga pre-pageant activities alang sa 15 ka mga kandidata sa dili pa ang grand coronation night sa Nobiyembre 20, 2018.
Ugmang adlawa (Nobiyembre 3) ipahigayon ang swimsuit presentation nga mahitabo sa Ibiza Beach Club, Movenpick Hotel, Mactan Island Cebu.
Sa Nobiyembre 6 ipa-ubos sa extensive personality development ug modeling training ang tanang candidates nga himuon sa Shangri-La’s Mactan Resort and Spa.
Sundan sa talent competition sa Nobiyembre 10, sa Gaisano Grand Mall of Mactan ug sa Nobiyembre 14 mopahigayon sab sila og courtesy call ngadto ni Mayor Paz Radaza ingon man sa tanang sakop sa konseho.
Gawas sa maong event suroyon usab sa mga kandidata ang mga dapit nga “most intagram-worthy” sa dakbayan sa Lapu-Lapu ingon man ang pageant’s partners’ property sul-ob unya sa ilang Urban Resort Wear nga gidesinyo sa Oponganon nga fashion designer , Philipp Tampus.
Anaa sab ang presinsiya sa mga kandidata atol sa pagbukas sa Lapu-Lapu City Tourism Expo 2018 nga ipahigayon sa Gaisano Convention Center sa Nobiyembre 15.
Dugang pa ni Ouano nga sa 7 sa gabii, Nobiyembre 20, 2018 ang coronation night sa Hoops Dome.
Ang mga kandidata naglangkob nila ni: Kristine Jane Cartuciano, 19; Dianne Clouie Degollacion, 21; Trexie Ann Bate, 18; Claudine Malolot, 21; Mary Jholeen Panugalinog, 18; Sheerah Abigail Ybañez, 18; Lyre Lyka Panis, 20; Jennifer Galdiano Ebner, 19; Cyvelshen Khesley Babatid, 20; Mercy Danica Barluado, 22; Kristy Anne Degamo, 20; Maria Ysabel Cabido, 19; Chloe Boone, 18; Jonalaine Barcenas, 20; ug Shaznay Corres, 19. FVQ