Mga duwa karon
1 pm – Bibbo-CIT vs PTT Fuels-UV (jrs)
2:30 pm – Enervon C-UC vs Prime Asia Lending-DBC (jrs)
4 pm – Bibbo-CIT vs PTT Fuels-UV (srs)
5:30 pm – Enervon C-UC vs Prime Asia Lending-DBC (srs)
NAPASULOD ni Giovannie Padillo ang iyang lay-up sa nahabiling 14 segundos aron aswaton ang San Marino Corned Tuna-University of San Carlos (USC) Warriors ngadto sa makutas nga 79-77 nga kadaugan batok sa Bibbo Hotdog-Cebu Institute of Technology (CIT) Wildcats kagahapon sa Cesafi-sanctioned 2010 Partner’s Cup seniors division sa Cebu Coliseum.
Sa wala pa ang mabayanihong lay-up ni Padillo, si Sam Hermosa mao unay nag-agak sa Warriors aron makabangon gikan sa pagkalubong hangtod na sa hingpit niining kadaugan.
Sa pagpangulo sa ilang reinforcement nga si Jerry Jaca, ang Wildcats nakalabaw og 14 puntos apan nahutdan sila’g lahutay hinungdan nga nakagukod ang Warriors.
Gipangulohan ni Hermosa ang kadaugan pinaagi sa iyang 18 puntos.
Ang Warriors ni coach Mike Reyes miposte sa ikaduha nilang daog sulod sa tulo ka mga duwa samtang ang Wildcats ni coach Gilber Demape natagak sa 0-2 nga baraha.
Sa juniors division, gipatapsingan sab sa USC Baby Warriors ang CIT Wildkittens, 62-61, samtang ang Enervon-UC Baby Webmasters ningpukan sa Ave Maria-(USJ-R) Baby Jaguars, 79-75.