GAMITON ni pound-for-pound champion Manny Pacquiao ang taktika nga nagpaundang kang Oscar De La Hoya aron lupigon si Ghanaian Joshua Clottey karong Marso 13 sa Dallas Cowboys Stadium.
Nagkanayon si American trainer Freddie Roach nga likayan ni Pacquiao ang pagka-untop sa mga kumo ni Clottey pinaagi sa kaabtik sa paniil nga maoy naghatag og problema kang De La Hoya kaniadto.
“Clottey’s accurate if you stand in front of him, but the thing is, we’re going to be in and out and side to side and use our angles on him… It’s going to be very similar to the Oscar de la Hoya fight, I feel,” matod ni Roach sa interbyu sa FanHouse.com.
Si De La Hoya mi-surrender sa ikawalo nga round sa ilang panagharong ni Pacquiao niadtong Disyembre, 2008.
“He’s not going to be able to catch us,” dugang ni Roach.
Gitataw ni Roach nga natun-an na gyud niya’g maayo ang estilo ni Joshua ug sayod na siya kon unsa ang kuyaw ug huyang niini.
“Well, he’s got a good chin, and he takes a good shot, and he can be a little heavy-handed. But he can be passive at times, and he lays on the ropes and kind of rests there a little bit. I’ve been studying him really well, and he makes too many mistakes,” pasabot ni Roach.
Masaligon si Roach nga ang Pambansang Kamao sa Pilipinas mao gyud ang labing unang makapakamang kang Clottey.